4

മും​ബൈ: 2026 വ​നി​താ പ്രീ​മി​യ​ർ ലീ​ഗി​ലെ ഉ​ദ്ഘാ​ട​ന മ​ത്സ​ര​ത്തി​ൽ റോ​യ​ൽ ച​ല​ഞ്ചേ​ഴ്സ് ബം​ഗ​ളൂ​രു​വി​ന് ത​ക​ർ​പ്പ​ൻ ജ​യം. അ​വ​സാ​ന പ​ന്ത് വ​രെ നീ​ണ്ട ആ​വേ​ശ പോ​രാ​ട്ട​ത്തി​ൽ മും​ബൈ ഇ​ന്ത്യ​ൻ​സി​നെ മൂ​ന്ന് വി​ക്ക​റ്റി​ന് തോ​ൽ​പ്പി​ച്ചു.

മും​ബൈ ഉ​യ​ർ​ത്തി​യ 155 റ​ൺ​സ് വി​ജ​യ​ല​ക്ഷ്യം ഏ​ഴ് വി​ക്ക​റ്റ് ന​ഷ്ട​ത്തി​ൽ ആ​ർ​സി​ബി മ​റി​ക​ട​ക്കു​ക​യാ​യി​രു​ന്നു. ദ​ക്ഷി​ണാ​ഫ്രി​ക്ക​ൻ താ​രം ന​ദീ​ൻ ഡി ​ക്ല​ർ​ക്കി​ന്‍റെ വെ​ടി​ക്കെ​ട്ട് ബാ​റ്റിം​ഗി​ന്‍റെ മി​ക​വി​ലാ​ണ് ആ​ർ​സി​ബി വി​ജ​യ​ല​ക്ഷ്യം മ​റി​ക​ട​ന്ന​ത്.

44 പ​ന്തി​ൽ 63 റ​ൺ​സാ​ണ് ന​ദീ​ൻ എ​ടു​ത്ത​ത്. ഏ​ഴ് ബൗ​ണ്ട​റി​യും ര​ണ്ട് സി​ക്സും അ​ട​ങ്ങു​ന്ന​താ​യി​രു​ന്നു ന​ദീ​ന്‍റെ ഇ​ന്നിം​ഗ്സ്. അ​വ​സാ​ന ഓ​വ​റി​ൽ മാ​ത്രം 20 റ​ൺ​സാ​ണ് ന​ദീ​ൻ അ​ടി​ച്ചെ​ടു​ത്ത​ത്.

ഗ്രെ​യ്സ് ഹാ​രി​സ് 25 റ​ൺ​സും അ​രു​ന്ധ​തി റെ​ഡ്ഢി 20 റ​ൺ​സും സ്കോ​ർ ചെ​യ്ത​പ്പോ​ൾ ക്യാ​പ്റ്റ​ൻ സ്മൃ​തി മ​ന്ദാ​ന 18 റ​ൺ​സാ​ണ് എ​ടു​ത്ത​ത്. മും​ബൈ​യ്ക്ക് വേ​ണ്ടി നി​ക്കോ​ള ക്യാ​രി​യും അ​മേ​ലി​യ കെ​റും ര​ണ്ട് വി​ക്ക​റ്റ് വീ​തം വീ​ഴ്ത്തി. നാ​റ്റ് സി​വ​ർ-​ബ്ര​ണ്ടും ശ​ഭ്നിം ഇ​സ്മ​യി​ലും അ​മ​ൻ​ജോ​ത് കൗ​റും ഓ​രോ വി​ക്ക​റ്റ് വീ​തം എ​ടു​ത്തു.

നേ​ര​ത്തെ ആ​ദ്യം ബാ​റ്റ് ചെ​യ്ത മും​ബൈ 20 ഓ​വ​റി​ൽ ആ​റ് വി​ക്ക​റ്റ് ന​ഷ്ട​ത്തി​ലാ​ണ് 154 റ​ൺ​സ് എ​ടു​ത്ത​ത്. മ​ല​യാ​ളി താ​രം സ​ജ​ന സ​ജീ​വ​ന്‍റെ​യും നി​ക്കോ​ള ക്യാ​രി​യു​ടെ​യും വെ​ടി​ക്കെ​ട്ട് ബാ​റ്റിം​ഗി​ന്‍റെ മി​ക​വി​ലാ​ണ് മും​ബൈ ഭേ​ദ​പ്പെ​ട്ട സ്കോ​റി​ലെ​ത്തി​യ​ത്. 45 റ​ൺ​സ് എ​ടു​ത്ത സ​ജ​ന​യാ​ണ് മും​ബൈ​യു​ടെ ടോ​പ്സ്കോ​റ​ർ. 25 പ​ന്തി​ൽ ഏ​ഴ് ബൗ​ണ്ട​റി​യും ഒ​രു സി​ക്സും അ​ട​ങ്ങു​ന്ന​താ​യി​രു​ന്നു സ​ജ​ന​യു​ടെ ഇ​ന്നിം​ഗ്സ്.

ക്യാ​രി 40 റ​ൺ​സാ​ണ് എ​ടു​ത്ത​ത്. 32 റ​ൺ​സെ​ടു​ത്ത ഗു​ണാ​ല​ൻ ക​മാ​ലി​നി​യും തി​ള​ങ്ങി. ആ​ർ​സി​ബി​ക്ക് വേ​ണ്ടി ന​ദീൻ ഡി ​ക്ല​ർ​ക്ക് നാ​ല് വി​ക്ക​റ്റെ​ടു​ത്തു. ലൗ​റ​ൻ ബെ​ല്ലും ശ്രേ​യ​ങ്ക പാ​ട്ടീ​ലും ഓ​രോ വി​ക്ക​റ്റ് വീ​ത​വും വീ​ഴ്ത്തി.